05:14 - 29 Mar, 2024
რეკლამა/ხელმოწერა
2017-10-20 11:43:28, 1795 ნახვა

კომენტარი
ანა ნაცვლიშვილი: მნიშვნელოვანია, რომ ყიზილაჯლოს ინციდენტზე რეაგირება ძალიან სწრაფად შსს-ს პირველი პირის დონეზე მოხდა

ახალგაზრდა იურისტთა ასოციაციის ხელმძღვანელის ანა ნაცვლიშვილის შეფასებით, მნიშვნელოვანია, რომ ყიზილაჯლოს ინციდენტზე რეაგირება ძალიან სწრაფად შინაგან საქმეთა სამინისტროს პირველი პირის დონეზე მოხდა. თუმცა, მისივე თქმით, კარგი იქნება, არჩევნებთან დაკავშირებულ სხვა ინციდენტებთან მიმართებაშიც იყოს მყისიერი რეაგირება სწორედ პირველი პირების დონეზე.

ამასთან, ნაცვლიშვილის განმარტებით, ახლა მთავარია დანაშაულის რეალური მოტივი დადგინდეს:

„ეს არის ყველაზე მძიმე შემთხვევა, რაც ამ დროისთვისაა დაფიქსირებული წინასაარჩევნო პერიოდში- ცეცხლსასროლი იარაღის გამოყენება და დაჭრილია რამდენიმე ადამიანი. მნიშვნელოვანია, რომ რეაგირება მოხდა ძალიან სწრაფად შინაგან საქმეთა სამინისტროს პირველი პირის დონეზე, ასევე მნიშვნელოვანი იქნება, თუ წინასაარჩევნო პერიოდში, თუ ზოგადად არჩევნებთან დაკავშირებულ სხვა ინციდენტთან მიმართებაშიც ყოფილიყოს და იყოს ასევე მყისიერი რეაგირება და პირველი პირების დონეზე იყოს წინასაარჩევნო, თუ არჩევნების პერიოდთან დაკავშირებით ინციდენტების გამოძიება აყვანილი. ამ დანაშაულთან მიმართებაში უკვე მოვისმინეთ მინისტრის განცხადება, რომ გამოძიება დაწყებულია და კვალიფიკაციაც საზოგადოებისთვის ცნობილია . ყველაზე მნიშვნელოვანია დანაშაულის მოტივის მიუკერძოებლად და სრულყოფილად დროულად დადგენა“,-განაცხადა  ანა ნაცვლიშვილმა.

შეგახსენებთ, გუშინ, გვიან ღამით, მარნეულის რაიონის სოფელ ყიზილაჯლოში, პარტია „ქართული ოცნების“ საარჩევნო შტაბის მიმდებარე ტერიტორიაზე, დაუდგენელმა პირმა ავტომატური ცეცხლსასროლი იარაღიდან გასროლით 4 პირი დაჭრა.ადგილზე მალევე შინაგან საქმეთა მინისტრი გიორგი მღებრიშვილი ჩავიდა და  ვითარებას პირადად გაეცნო.




ავტორი: ,


სოციალური ქსელები
რუსეთის საგამოძიებო - Crocus City Hall-ზე მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულება მოვიპოვეთ
სახმელეთო ტრანსპორტის სააგენტოს ხელმძღვანელობასა და გადამზიდველთა შორის შეთანხმება შედგა
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics