2017-10-13 14:39:19, 1986 ნახვა
კომენტარი
მათიკაშვილი: თუ დემოკრატია არის საპირისპირო აზრის მოსმენა, რატომ არ მიიღო პრეზიდენტმა მონაწილეობა კომისიის მუშაობაში
მმართველი გუნდის წევრი დავით მათიკაშვილი პრეზიდენტის საპარლამენტო მდივნის განცხადებას გამოეხმაურა, სადაც ანა დოლიძე აღნიშნავს, რომ დემოკრატია მათ შორის არის დიალოგი იმ საზოგადოებასთან, რომელიც მხარს არ გიჭერს. ანა დოლიძის თქმით, „ქართულმა ოცნებამ“ სულ ორი საათი დახარჯა პრეზიდენტთან საკონსტიტუციო ცვლილებებზე სასაუბროდ. საპასუხოდ, დავით მათიკაშვილმა ანა დოლიძეს შეახსენა, რომ გიორგი მარგველაშვილმა უარი თქვა სახელმწიფო საკონსტიტუციო კომისიის მუშაობაში მონაწილეობაზე და მხოლოდ საკონსტიტუციო ცვლილებების საყოველთაო-სახალხო განხილვებში ჩაერთო. მათიკაშვილისთვის გაუგებარია, თუკი პრეზიდენტის ადმინისტრაციას ამგვარად ესმის დემოკრატიის არსი, რატომ თქვა თავად პრეზიდენტმა უარი დემოკრატიაზე და არ დაჯდა საკონსტიტუციო კომისიის წევრებთან ერთად მოლაპარაკების მაგიდასთან. „ქალბატონო, ანა, პატივისცემის მიუხედავად, ჩვენ არ მოგცემთ იმის საშუალებას, რომ პასუხის გარეშე დატოვოთ ძალიან მნიშვნელოვანი კითხვები. თქვენ ბრძანეთ, რომ დემოკრატია ყოფილა თურმე ატანა, გაძლება, ოპოზიციური აზრის მოსმენა და დიალოგი იმ საზოგადოებასთან, რომელიც არ გიჭერს მხარს, ან თქვენ გგონიათ, რომ არ გიჭერს მხარს. რატომ თქვა მაშინ პრეზიდენტმა უარი დემოკრატიაზე, რატომ არ მიიღო მონაწილეობა სახელმწიფო საკონსტიტუციო კომისიის ფუნქციონირებაში?! თქვენ „ქართული ოცნების“ დროზე ისაუბრეთ დიალოგთან მიმართებაში, რამდენი საათი გაატარა პრეზიდენტმა კომისიის წევრებთან- „ქართული ოცნების“ წარმომადგენლებთან, კონსტიტუციონალისტებთან, ექსპერტებთან, ოპოზიციასთან დიალოგში სწორედ ამ ფორმატში?!“,-მიმართა დავით მათიკაშვილმა ანა დოლიძეს, რომელიც დეპუტატებს პარლამენტის რიგგარეშე სხდომაზე საკონსტიტუციო ცვლილებების პროექტზე პრეზიდენტის მოტივირებულ შენიშვნებს აცნობს. ავტორი: , ნეთანიაჰუ - ანტისემიტურმა ბრბომ აშშ-ის წამყვანი უნივერსიტეტები მოიცვა - ეს უნდა შეწყდეს
„არა რუსულ კანონს, კი ევროპას“ - აქციაზე შეკრებილი მოქალაქეები მსვლელობით ევროპის მოედანზე მივიდნენ
რეჯეფ თაიფ ერდოღანი ანკარაში ფრანკ-ვალტერ შტაინმაიერს შეხვდა
ზელენსკი - მადლობელი ვარ პრეზიდენტ ბაიდენის, კონგრესისა და ყველა ამერიკელის
|
ომი უკრაინაშიკულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
უკრაინის გენშტაბი - საომარი მოქმედებების დაწყებიდან დღემდე, უკრაინაში 461 940-მდე რუსი ჯარისკაცი მოკლეს
მედია - რუსებმა ხერსონის ოლქი დაბომბეს, რის შედეგადაც 2 ადამიანი დაიღუპა
ვიდეო/LIVE საქართველოს დამოუკიდებლობის დღე - პირდაპირი
ლაზარე გრიგორიადისი თავისუფალია [ვიდეო]
დღის თემა
|