მდინარაძე „ნაცმოძრაობას“: გაძლევთ პირობას, რომ თქვენი რეიტინგი გახდება ნული

2017-10-13 13:05:12, 1904 ნახვა

კომენტარი

„გაძლევთ პირობას, რომ ნული გახდება თქვენი რეიტინგი“, - ასე უპასუხა ფრაქცია „ქართული ოცნების“ თავმჯდომარე მამუკა მდინარაძემ „ნაციონალური მოძრაობის“ წევრ რომან გოცირიძეს, რომელმაც აღნიშნა, რომ „ბიძინა ივანიშვილის 7 მილიარდის გარეშე, მმართველი გუნდის მხარდაჭერის პროცენტი ნული იქნება“.

„ბატონო რომან, თქვენ ნულზე ლაპარაკობდით. ბოლო დროა, დაშლილი და მილევად რეჟიმში ხართ „ნაციონალური მოძრაობა“ და გაძლევთ პირობას, რომ ნული გახდება თქვენი რეიტინგი“, - განაცხადა მამუკა მდინარაძემ.

მან „ევროპული საქართველოს“ წევრ გიგა ბოკერიასაც მიმართა და აღნიშნა, რომ მისი პარტიის რეიტინგი, ასევე ნული გახდება.

„რაც უფრო არაეთიკური იქნება თქვენი გამონათქვამები და ცინიზმი, მით უფრო დაგვეხმარებით თქვენი რეიტინგის განულებაშიც“, - განაცხადა მდინარაძემ.

ავტორი: ,

სოციალური ქსელები