რუსეთის საგარეო სამინისტროს წარმომადგენელმა მარია ზახაროვამ, ამერიკის შეერთებული შტატების შიდა საქმეებში მოსკოვის ჩარევის მცდელობის შესახებ, ტელეკომპანია CNN-ის მიერ მომზადებულ მასალას "უნიჭო სპეკტაკლი" უწოდა.

ამის შესახებ ზახაროვა Facebook-ის საკუთარ გვერდზე წერს. 

„ტელეკომპანია CNN -მა უნიჭოდ მომზადებული მასალა გამოაქვეყნა ამერიკაში არსებულ რასობრივ პრობლემებზე, რომელიც, თურმე, რუსეთის ბრალი ყოფილა. თურმე, ამ ყველაფერს რუსეთი ტამაშის, პოკემონების (Pokemon Go) მეშვეობით ახორციელებს“, - წერს ზახაროვა Facebook-ში.

ტელეკომპანია CNN-ის მიერ მომზადებულ მასალაში საუბარია რუსეთის სპეცსამსახურების ჩარევით სოციალურ ქსელებში აშშ-ის შესახებ FAKE NEWS-ების გავრცელებაზე. კერძოდ სოციალურ ქსელებში ამოქმედდა კამპანია Don't Shoot Us (არ გვესროლოთ), სადაც მთავარი თემა ამერიკის პოლიციის მხრიდან აფროამერიკელების მიმართ ძალადობაა. 

ამასთან, რეპორტაჟში ხაზგასმულია, რომ რუსი ჰაკერები ბოლო წლებში ამერიკელი პოლიციელების მიერ მოკლული აფროამერიკელების სახელით ყალბ ანგარიშებს ქმნიდნენ პოპულარული ინტერნეტთამაშისთვის „Pokemon Go”. 

პოლიციის მიერ აფროამერიკელების მკვლელობის წინააღმდეგ დაწყებული სოციალური კამპანია Don't Shoot Us („არ გვესროლოთ) ილინოისის შტატში მცხოვრებმა ვინმე კლერკ იორკმა 2016 წლის მარტში დაარეგისტრირა. კლერკ იორკის შესახებ ინფორმაცია CNN-მა ვერ მოიპოვა, რადგან იმავე სახელითა და გვარით, ასევე დაბადების თარიღით ილინოისში არავინ ცხოვრობს. 

ავტორი: ,

სოციალური ქსელები

კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა

გალანტი - ისრაელის სახელმწიფომ უნდა იცოდეს, რომ მას აქვს მოქმედების თავისუფლება, გააკეთოს ის, რაც სურს

ღაზას ჯანდაცვა - გასულ დღეს ღაზაში ისრაელის სამხედრო ოპერაციას, სულ მცირე, 71 ადამიანი ემსხვერპლა - არიან დაშავებულებიც

მილერი - მოვუწოდებთ საქართველოს, არ მიიღოს კანონმდებლობა, რომელიც ეწინააღმდეგება მოქალაქეების უმრავლესობის სურვილს