ლიბიაში ტანზანიის დროშის ქვეშ მცურავი გემი დააკავეს, რომლის ეკიპაჟის სამი წევრი ქართველია. აღნიშნული ინფორმაცია „ექსპრესნიუსს“ ეკონომიკისა და მდგრადი განვითარების სააგენტოს საზღვაო ტრანსპორტის სააგენტოს ხელმძღვანელმა მამუკა ახალაძემ დაუდასტურა.

მამუკა ახალაძის ინფორმაციით, აღნიშნულ საქმეში ჩართულია ყველა შესაბამისი უწყება და მიმდინარეობს დეტალების დაზუსტება.

„30 აგვისტოს ლიბიის სანაპირო დაცვის სამსახურმა ცხელ კვალზე დევნის დროს დააკავა ტანზანიის დროშის ქვეშ მცურავი, მცირე ზომის ტანკერი, რომელსაც სავარაუდოდ გადაჰქონდა ლიბიური ნავთობი. ტანკერზე იმყოფებოდა 11 ეკიპაჟის წევრი, 11-დან 3 არის საქართველოს მოქალაქე და გემის კაპიტანი. ახლა გემი გადაყვანილია ლიბიის საპორტო ქალაქ ტრიპოლში, ეკიპაჟის თერთმეტივე წევრი გადაყვანილია წინასწარ პატიმრობის რეჟიმში. დაკავებულების ოჯახის წევრებთან გვაქვს კავშირი. საგარეო საქმეთა სამინისტრო და ყველა შესაბამისი უწყება, მათ შორის საზღვაო ტრანსპორტის სააგენტო ინტენსიურად მუშაობს დეტალების დასაზუსტებლად. კავშირი დავამყარეთ ტანზანიის დროშის საზღვაო ადმინისტრაციასთან, საიდანაც ველოდებით დამატებით ინფორმაციებს და დღის ბოლომდე უფრო მეტი დეტალი გახდება ცნობილი“,-განაცხადა ახალაძემ.

ავტორი: ,

სოციალური ქსელები

ჯო ბაიდენმა უკრაინის, ისრაელისა და ტაივანის დახმარების კანონპროექტს ხელი მოაწერა

კულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება

​„ლიეტუვა მხარს უჭერს საქართველოს სამოქალაქო საზოგადოებას ევროპული მომავლისაკენ სწრაფვაში“ - ზურაბიშვილი ნაუსედას ესაუბრა

ევროპარლამენტში პოლიტიკურმა ჯგუფებმა საქართველოსთან დაკავშირებული რეზოლუციის პროექტი მოამზადეს