2017-07-28 18:40:19, 2120 ნახვა
საზოგადოება
თეა წულუკიანმა ყატარის ელჩი მიიღო
იუსტიციის მინისტრმა თეა წულუკიანმა ყატარის ელჩი მუბარაკ ბინ ნასსერ ბინ მუბარაკ ალ-ხალიფა მიიღო. უწყების პრესსამსახურის ინფორმაციით, მინისტრმა ელჩს კიდევ ერთხელ დაუდასტურა მართლმსაჯულებისა და სერვისების განვითარების სფეროში გატარებული რეფორმების გაზიარების კუთხით საქართველოს მზადყოფნა და იმედი გამოთქვა, რომ კატარის სამთავრობო უწყებებთან არსებული აქტიური თანამშრომლობა მომავალშიც გაგრძელდება. როგორც თეა წულუკიანმა აღნიშნა, საქართველოსა და ყატარის იუსტიციის სამინისტროებს შორის წარმატებული სამართლებრივი თანამშრომლობა 2014 წელს მისი ყატარში ვიზიტით დაიწყო. როგორც იუსტიციის მინისტრმა აღნიშნა, იუსტიციის სამინისტრო აქტიურად მუშაობს მართლმსაჯულებისა და ადამიანის უფლებების დაცვის სფეროში, სახელმწიფო სერვისების განვითარებისა და საერთაშორისო სტანდარტებთან შესაბამისობაში მყოფი სამართლებრივი სისტემის განვითარების ხელშესაწყობად. „საქართველოს მთავრობა მუდმივად აუმჯობესებს მოქალაქეებისთვის საჯარო სერვისების ხელმისაწვდომობას. ჩვენთვის მნიშნელოვანია, რომ მოქალაქის უფლებები თანაბრად იყოს დაცული, როგორც ქალაქში, ისე სოფლებში. სწორედ ამიტომ, საჯარო სერვისების ხელმისაწვდომობა უზრუნველყოფილია სოფლად მდებარე 45 საზოგადოებრივ ცენტრსა და 19 იუსტიციის სახლში"- აღნიშნა თეა წულუკიანმა. იუსტიციის მინისტრმა დოჰაში მნიშვნელოვანი შეხვედრები გამართა ყატარის ემირთან, პრემიერ-მინისტრსა და იუსტიციის მინისტრთან, ასევე შეხვდა ქვეყნის შინაგან საქმეთა მინისტრსა და გენერალურ პროკურორს. (NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან გორის მუნიციპალიტეტის სოფლებში, იძულებით გადაადგილებული ოჯახების საკუთრებაში არსებულ მიწის ნაკვეთებზე სათბურები მოეწყო
შამუგია - სახელმწიფოს მხარდაჭერის შედეგად ლურჯი მოცვი ჩვენი ფერმერების შემოსავლის მნიშვნელოვანი წყარო გახდება
„პროკურატურის თანამშრომლის სახელით ისარგებლეს და დაზარალებულებს თანხა გამოსძალეს“ - სასამართლომ ბრალდებულები დამნაშავედ ცნო
მიხეილ სარჯველაძე გაერო-ს ბავშვთა ფონდის წარმომადგენელ იესპერ მოლერს შეხვდა
|
ომი უკრაინაშირუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 456 960-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|