დღეს ,,ტექნოპარკში“ სააგენტოს „აწარმოე საქართველოში“, სსიპ „საქართველოს ინოვაციებისა და ტექნოლოგიების სააგენტო“ და „საქართველოს სავაჭრო-სამრეწველო პალატა“-ს შორის,  ევროპის მეწარმეთაქსელის (EEN)პლატფორმის გამოყენების შესახებურთიერთანამშრომლობის მემორანდუმი გაფორმდა.

მემორანდუმის მიზანია, ევროპის მეწარმეთა ქსელის გამოყენებით მოხდეს ქართველ მეწარმეთა  პროდუქციის ექსპორტზე გატანისთვის ხელშეწყობა, ინვესტიციების მოზიდვა, საერთაშორისო პარტნიორული ურთიერთობების ჩამოყალიბება და სავაჭრო მისიების/ფორუმების ინიცირება/ორგანიზებაშიმონაწილეობა.

ევროპის მეწარმეთა ქსელი 600-ზე მეტი ორგანიზაციის დახმარებით 67 ქვეყანაში ოპერირებს. მასში ჩართულ კომპანიას საშუალება მიეცემა, გაავრცელოს და მიიღოს ბიზნესწინადადებები და საპარტნიორო შეთავაზებები პლატფორმაში გაწევრიანებულიათასობით უცხოური კომპანიისგან.

როგორც სააგენტოს ,,აწარმოე საქართველოში“ დირექტორი მარიანა მორგოშია აღნიშნავს,  პლატფორმა საკმაოდ მნიშვნელოვან ფუნქციას შეასრულებს საქართველოში ბიზნესისგანვითარებასა და მეწარმეებისთვის საჭირო ინფორმაციის მიწოდების თვალსაზრისით.

,,ევროპის მეწარმეთა ქსელში ჩვენი მეწარმეების ჩართულობა ძალიან მნიშვნელოვანია მათი პროდუქციის რეალიზაციისა და  ბაზრების დივერსიფიცირების კუთხით. აღნიშული პლატფორმის პოპულარიზაციის მიზნით გაფორმდა მემორანდუმი, რომლის ფარგლებშიც სამივე სახელმწიფო უწყება, პროაქტიურ რეჟიმში მივაწვდით ინფორმაციას  ჩვენს მეწარმეებს იმ სარგებლის შესახებ, რასაც EEN მათ სთავაზობს.მეწარმეებს ასევე დავეხმარებით რეგისტრაციის პროცესში“, - აღნიშნა მარიანა მორგოშიამ.

,,ჩვენ ერთიანი ევროპული საწარმოების  ქსელის ბენეფიტებს  საშუალებას ვაძლევთ,  მიიღონ და გაავრცელონ საჭიროინფორმაცია. მემორანდუმში მონაწილეობას იღებს ასევე საქართველოს სავაჭრო-სამრეწველო პალატა.  არაერთ ქართული ორგანიზაციაა,  რომელსაც  ევროპაში თავისი პროდუქტისგატანა ან ევროპიდან შემოტანა სურს.  ამ პროცესში  ევროპულ და ქართულ ბიზნესსაწარმოთა შორის მუშაობა სინქრონიზებული უნდა იყოს, სწორედ ამას ემასხურება აღნიშნული პლატფორმა“, - განაცხადა  საქართველოს ინოვაციებისა და ტექნოლოგიების სააგენტოს დირექტორმა გიორგი ზვიადაძემ.

საქართველოს სავაჭრო-სამრეწველო პალატის პრეზიდენტ ნინო ჩიქოვანის შეფასებით კი ,,მოიძიე პარტნიორი“ ერთ-ერთი ყველაზე მოთხოვნადი სერვისია. ეს მემორანდუმი კიქართულ კომპანიებს  ხელს შეუწყობს, ჩაერთონ ევროპის მეწარმეთა ქსელში.

,,ამ პლატფორმაში გაწევრიანებით სავაჭრო-სამრეწველო პალატა ხელს შეუწყობს კომპანიებს, როგორც დედაქალაქში, ასევე რეგიონში, რომ  თავიანთი პროდუქციის და კომპანიის პოზიციონირება  ევროპის ყველაზე დიდ მეწამეთა ქსელშიშეძლონ. მინდა მადლობა გადავუხადო ჩვენს პარტნიორ სააგენტოებს, ვისთან ერთადაც  მემორანდუმი გავაფორმეთ“, - აღნიშნა ნინო ჩიქოვანმა.

ევროპის მეწარმეთა ქსელის სერვისების მიღება შეეძლება ნებისმიერ ქართულ კომპანიას, რომელიც შეავსებს een-georgia.ge ვებ-გვერდზე განთავსებულ აპლიკაციას და მიმართავს een-georgia -ს კონსორციუმის წევრ შემდეგ ორგანიზაციებს: სააგენტ„აწარმოე საქართველოში“, სსიპ-ს „საქართველოს ინოვაციებისა და ტექნოლოგიების სააგენტო“ და „საქართველოს სავაჭრო-სამრეწველო პალატა“.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნეთანიაჰუ - ანტისემიტურმა ბრბომ აშშ-ის წამყვანი უნივერსიტეტები მოიცვა - ეს უნდა შეწყდეს

„არა რუსულ კანონს, კი ევროპას“ - აქციაზე შეკრებილი მოქალაქეები მსვლელობით ევროპის მოედანზე მივიდნენ

რეჯეფ თაიფ ერდოღანი ანკარაში ფრანკ-ვალტერ შტაინმაიერს შეხვდა

ზელენსკი - მადლობელი ვარ პრეზიდენტ ბაიდენის, კონგრესისა და ყველა ამერიკელის