10:45 - 29 Mar, 2024
რეკლამა/ხელმოწერა
2017-07-25 17:10:24, 2166 ნახვა

სამართალი
პროკურორი: შორენა თეთრუაშვილს ადარებდნენ კიბოს მეტასტაზს, რომელიც მოსაშორებელი იყო

ე.წ. ციანიდის საქმეზე პატრიარქის დაცვის ყოფილი  უფროსი სოსო ოხანაშვილი დისტანციური გზით დაიკითხა.

პროკურორ ჯარჯი წიკლაურის განცხადებით, მიუხედევად იმისა, რომ ოხანაშვილი მამა გიორგი მამალაძის უახლოესი მეგობარი და მისი თანამოაზრეა, მან ვერ დამალა სიძულვილი და მტრული განწყობა შორენა თეთრუაშვილის მიმართ.

მისივე თქმით, ოხანაშვილმა მისდა უნებურად დაადასტურა, რომ  ბრალდებული ყველანაირი გზით ცდილობდა, შორენა თეთრუაშვილის საპატრიარქოდან ჩამოშორებას.

„ოხანაშვილი შეეცადა რაღაც გარემოებები შეენიღბა, რომ თითქოს ბრალდებულს არ ჰქონდა ცუდი დამოკიდებულება შორენა თეთრუაშვილთან, თუმცა მან ვერ უარყო ის ფაქტი, რომ სიძულვილით და მტრულად განწყობილი იყვნენ შორენა თეთრუაშვილის მიმართ.  უფრო მეტიც იმართებოდა შეხვედრები სადაც, კონსპირაციულად სოსო ოხანაშვილი, ბრალდებული გიორგი მამალაძე და ტარას შავშიშვილი  განიხილავდნენ თეთრუაშვილის ჩამოშორების საკითხს.

ამას ადარებდნენ კიბოს მეტასტაზს, რომელიც იყო მოსაშორებელი. ამ ეპითეტს ხმარობდნენ თეთრუაშვილის მიმართ,  ყველანაირი გზით ცდილობდნენ მის საპატრიარქოდან  ჩამოშორებას. თუმცა  როგორც სასამართლო განხილვებით დადასტურდა როცა  მიზანს ვერ მიაღწია ბრალდებულმა  აირჩია ყველაზე რადიკალური  მეთოდი და დაიწყო მზადება თეთრუაშვილის მკვლელობისთვის. სწორედ ამ მიზნით შეიძინა ციანიდი და დანაშაულებრივი განზრახვით სისრულეში მოყვანა გადაწყვიტა გერმანიაში. კიდევ ერთხელ ვიტყვი, რომ ოხანაშვილის დაკითხვით დადასტურდა, რომ ვერანაირად ვერ შეძლეს საპატრიარქოდან შორენა თეთრუაშვილის ჩამოშორება, მისი გაძევება არაერთი მცდელობის მიუხედავად და როდესაც ყველა გზა სინჯეს, ამის შემდეგ ბრალდებულმა მისი მკვლელობა გადაწყვიტა. სოსო ოხანაშვილმა მისდა უნებურად დაადასტურა, რომ ბრალდებული ყველანაირი გზით ცდილობდა თეთრუაშვილის ჩამოშორებას, მაგალითად, ოხანაშვილმა თქვა, რომ არაერთხელ იყო პატრიარქთან თხოვნით, რომ როგორმე იქნებ გაეთავისუფლებინათ თეთრუაშვილი თანამდებობიდან“,-განაცხადა პროკურორმა ჯარჯი წიკლაურმა.




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
Reuters - ისრაელის ალეპოზე საჰაერო თავდასხმას 38 ადამიანი, მათ შორის „ჰეზბოლას“ 5 წევრი ემსხვერპლა
Moodys-მა „ლიბერთი ბანკის“ გრძელვადიანი პერსპექტივა სტაბილურამდე გააუმჯობესა
სამხრეთ აფრიკაში ავტოავარიას 45 ადამიანი ემსხვერპლა
კობახიძე - საქართველოს რელიგიური მრავალფეროვნება ჩვენი ქვეყნის ერთ-ერთი უმთავრესი სიმდიდრეა

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics