2017-05-25 14:19:56, 2423 ნახვა
სამართალი
თბილისში თურქეთის მოთხოვნით, დემირელის კოლეჯის თანამშრომელი მუსტაფა ემრე ჩაბუქი დააკავეს
თბილისში, საქართველოში მცხოვრები თურქეთის მოქალაქე, დემირელის კერძო კოლეჯის ხარისხის მართვის მენეჯერი მუსტაფა ემრე ჩაბუქი დააკავეს. როგორც მისი მეუღლე თუბა ჩაბუქი აცხადებს, ბიზნესმენის დაკავება თურქეთის მთავრობის მოთხოვნის საფუძველზე, დაუსაბუთებელი ბრალდებით მოხდა. „მისი დაკავება მოხდა თურქეთის მთავრობის მოთხოვნის საფუძველზე, მისი თურქეთში ექსტრადირების თაობაზე სრულიად დაუსაბუთებელი ბრალდებით. მას სავარაუდოდ ბრალი ედება ტერორისტულ ორგანიზაციასთან თანამშრომლობაში, თუმცა მნიშვნელოვანია ის ფაქტი, რომ იგი არ იძებნება ინტერპოლის მიერ და საქართველოს კანონმდებლობასთანაც არასდროს შექმნია რაიმე სახის პრობლემა. შექმნილი სიტუაციიდან და საქართველოში ბოლო პერიოდში განვითარებული მოვლენებიდან გამომდინარე, ჩნდება საფუძვლიანი ეჭვი იმის თაობაზე, რომ მუსტაფა ემრე ჩაბუკის დაკავება კიდევ ერთი რგოლია იმ პროცესისა, რომელსაც წინ უძღოდა ბათუმის შაჰინის სახელობის სკოლისათვის ავტორიზაციის სრულიად უკანონო გაუქმება“, - აცხადებს თუბა ჩაბუქი. იგი საქართველოს პრემიერ-მინისტრს, სახალხო დამცველს, დიპლომატიურ კორპუსს და არასამთავრობო ორგანიზაციებს მიმართავს, დაუყოვნებლივ მოხდეს რეაგირება მუსტაფა ემრე ჩაბუკის დაკავების გამო. „მიგვაჩნია, რომ ბ-ნ- მუსტაფა ჩაბუკის თურქეთში უსაფუძვლო ექსტრადირება მნიშვნელოვან ზიანს მიაყენებს საქართველოს ხელისუფლების საერთაშორისო რეპუტაციას“, - აცხადებს დაკავებულის მეუღლე. ამ წუთებში უზენაეს სასამართლოში მუსტაფა ჩაბუქის სასამართლო პროცესი მიმდინარეობს. ავტორი: ირაკლი მანაგაძე , ექსპრესნიუსის რეპორტიორი 2009 წლიდან ღარიბაშვილი - თუ იმ დროისთვის, როცა ქვეყანა იქნება მზად, გახდეს ევროკავშირის წევრი, ძალიან მარტივად შეიძლება ამ კანონის გაუქმება
ღარიბაშვილი - გამჭირვალობას ვინც ეწინააღმდეგება, არაფერი აქვს საერთო დემოკრატიასთან
უკრაინაში სამხედრო დახმარებისთვის, სლოვაკეთის მოქალაქეებმა ორ მილიონ ევროზე მეტი შეაგროვეს
EBA - კანონპროექტი შეიცავს უცხოელი ინვესტორების მიმართ ნეგატიური სტერეოტიპების გამყარების და ინვესტიციების შემცირების რისკს
|
ომი უკრაინაშიუკრაინის საჰაერო ძალები - 7 რუსული რაკეტიდან 2 ღამით გავანადგურეთ
ზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|