02:08 - 29 Mar, 2024
რეკლამა/ხელმოწერა
2017-04-22 11:51:03, 2199 ნახვა

სამართალი
კახა კახიშვილი ფლორიდის შტატის მოსამართლე მარკ ა. სპაისერს შეხვდა

სასჯელაღსრულებისა და პრობაციის მინისტრმა კახა კახიშვილმა ფლორიდის შტატის საოლქო მოსამართლე მარკ ა. სპაისერს უმასპინძლა.

გაცნობითი ხასიათის შეხვედრაზე კახა კახიშვილმა მოსამართლეს დეტალური ინფორმაცია მიაწოდა სასჯელაღსრულებისა და პრობაციის სისტემაში განხორციელებული და დაგეგმილი რეფორმების შესახებ. მინისტრის თქმით, 2012 წლის შემდეგ სისტემაში გატარდა მასშტაბური რეფორმები, რომელთა მიზანი მსჯავრდებულთა/ბრალდებულთა უფლებების დაცვის უზრუნველყოფასთან ერთად, პენიტენციური დაწესებულებების სარეჟიმო პირობების გაუმჯობესება იყო. ამ მიზნით,  60-მდე კანონში ცვლილებები შევიდა.

კახა კახიშვილმა ხაზგასმით აღნიშნა, რომ წამება, დამამცირებელი და არაადამიანური მოპყრობა აღარ გამოიყენება პენიტენციური დაწესებულებათა მართვის მეთოდად, მკვეთრად შემცირდა სიკვდილობის მაჩვენებელი, გაუმჯობესდა პენიტენციური ჯანდაცვის სერვისებზე ხელმისაწვდომობა, მათ შორის აღსანიშნავია ტუბერკულოზისა და C ჰეპატიტის სამკურნალო პროგრამები.

შეხვედრისას მინისტრმა აღნიშნა, რომ რეფორმის შედეგად პენიტენციური დაწესებულებები აღარ არის მხოლოდ იზოლაციისათვის განკუთვნილი ადგილი. ბრალდებულ/მსჯავრდებულთა რესოციალიზაციის მიზნით, სისტემაში წარმატებით მიმდინარეობს მსჯავრდებულთა ინდივიდუალურ საჭიროებებზე მორგებული სარეაბილიტაციო პროგრამების დანერგვა. ახალი კანონმდებლობის შესაბამისად კი, მსჯავრდებულები უმაღლესი განათლების მიღების საშუალებაც ექნებათ. ამასთან, პენიტენციურ დაწესებულებებში მსჯავრდებულების მიერ დამზადებული ნამუშევრების რეალიზაციისათვის სპეციალური ონლაინ მაღაზია შეიქმნა, საიდანაც გაყიდული ნივთის საფასური მსჯავრდებულებს საკუთარ ანგარიშზე ერიცხებათ.

მოსამართლე მარკ სპაისერს განცხადებით, საქართველო ერთ-ერთი პროგრესული და სწრაფად განვითარებადი ქვეყნადაა და ის აუცილებლად გახდება ევროკავშირის წევრი.

„აღფრთოვანებული ვარ თქვენ მიერ გატარებული რეფორმებით. თქვენ მსჯავრდებულებს მიეცით იმედი, რომ ისინი უკეთესები გახდებიან და საზოგადოებაში მარტივად გაივლიან რესოციალიზაციას. შეხვედრა კარგი შესაძლებლობა იყო ფლორიდისა და საქართველოს გამოცდილებათა გასაზიარებლად. ვისაუბრეთ ფსიქიკური პრობლემების მქონე მსჯავრდებულთა საკითხებსა და დაწესებულებათა მართვის სხვადასხვა მეთოდებზე“, - აღნიშნა მარკ სპაისერმა.

ფლორიდის შტატის მოსამართლე საქართველოში ევროპის სასწავლო უნივერსიტეტის მოწვევით იმყოფება.

 

(NS)




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
რუსეთის საგამოძიებო - Crocus City Hall-ზე მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულება მოვიპოვეთ
სახმელეთო ტრანსპორტის სააგენტოს ხელმძღვანელობასა და გადამზიდველთა შორის შეთანხმება შედგა
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics