12:08 - 29 Mar, 2024
რეკლამა/ხელმოწერა
2017-02-28 16:42:52, 700 ნახვა

რეგიონი
ზურაბ პატარაძე „ყაზმუნაი გაზის" ხელმძღვანელ პირებს შეხვდა

ყაზახეთის რეპუბლიკაში აჭარის ა.რ. მთავრობის დელეგაციის ვიზიტის ფარგლებში, აჭარის ა.რ მთავრობის თავმჯდომარე ზურაბ პატარაძე ყაზახური კომპანია „ყაზმუნაი გაზის" ხელმძღვანელ პირებს შეხვდა.

შეხვედრას საქართველოს საგანგებო და სრულუფლებიანი ელჩის მ/შ რევაზ საყვარელიძე, კომპანია ,,ყაზმუნაი გაზის" გენერალური დირექტორები დიმაშ გაბიტოვიჩი და მინბაევ საუატ მუხამედბაევიჩი ესწრებოდნენ.

შეხვედრაზე მხარეებმა ურთიერთთანამშრომლობის პერსპექტივები განიხილეს.

ზურაბ პატარაძის თქმით, საქართველო რეგიონში ბიზნესწარმოების და სატრანზიტო მიმართულებით ერთ-ერთ ლიდერ ქვეყანას წარმოადგენს. „

საქართველოს აქვს სრული პოტენციალი ჩამოყალიბდეს ევროპისა და აზიის დამაკავშირებელ სატრანსპორტო და ლოგისტიკურ ჰაბად. სატრანზიტო და ტვირთბრუნვის მიმართულებით ბათუმის საზღვაო პორტს უდიდესი მნიშვნელობა ენიჭება. მიმდინარე პროცესშია ბაქო-თბილისი-ყარსის შემაერთებელი ახალი სარკინიგზო ხაზის პროექტი. მატარებლის შემოსვლა ჩინეთიდან საქართველოში ხდება მხოლოდ 9 დღეში. საქართველოს გავლით სარკინიგზო მარშრუტი მიჩნეულია ყველაზე მოკლე ევროპისა და აზიის დამაკავშირებელ მარშრუტად"- აღნიშნა აჭარის ა.რ მთავრობის თავმჯდომარემ და საუბარი რეგიონულ ჭრილში თანამშრომლობის შესახებ გააგრძელა.

ზურაბ პატარაძემ შეხვედრის მონაწილეებს აჭარის რეგიონის ტურისტული და საინვესტიციო პოტენციალი გააცნო. მისი თქმით, დაგეგმილია აჭარის რეგიონის მაღალმთიანი ნაწილის გაზიფიცირება, რაც ხელს შეუწყობს მაღალმთიან აჭარაში არსებული სამთო-სათხილამურო კურორტების და ტურისტული ინფრასტრუქტურის განვითარებას.

„მაღალმთიან აჭარაში მართლაც რომ უდიდესი პოტენციალია ტურისტული და საინვესტიციო მიმართულებით. უნიკალური კურორტი „გოდერძი" წლის ოთხივე სეზონზე ტურისტებისათვის მიმზიდველი ადგილია. დაწყებულია მაღალი კლასის სასტუმროების მშენებლობა. აღნიშნულ ზონებში მნიშვნელოვანია დაჩქარდეს გაზიფიცირების პროცესი, რაც თავის მხრივ ხელს შეუწყობს რეგიონის ეკონომიკურ განვითარებას" - აღნიშნა ზურაბ პატარაძემ.

მთავრობის თავმჯდომარემ ყაზახური კომპანიის წარმომადგენლებთან ქობულეთის ფიჭვნარის საზღვაო ზოლის მიმზიდველ პოტენციალზეც ისაუბრა.

მისი თქმით, ქობულეთის ფიჭვნარი გულ-სისხლ-ძარღვთა და ფტიზიო-პულმონოლოგიური დაავადებების უნიკალურ სამკურნალო საკურორტო ზონას წარმოადგენს. საკურორტო ზონაში მოქნილი და მარტივი საკანონმდებლო რეგულაციები მოქმედებს, რაც კიდევ უფრო ზრდის აღნიშნული კურორტის საინვესტიციო მიმზიდველობას.

ყაზახეთის ერთ-ერთ მსხვილ კომპანია „ყაზმუნაი გაზის" წარმომადგენლებთან შეხვედრამ წარმატებით ჩაიარა.

(NS)




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
გარემოს დაცვისა და სოფლის მეურნეობის სამინისტრომ სახეობათა აღდგენის ეროვნული გეგმის პროექტი სამუშაო შეხვედრაზე განიხილა
მერია - მუნიციპალური ტრანსპორტის სხვადასხვა მარშრუტს 30 მარტიდან ავტობუსები დაემატება
ზელენსკი - რუსეთის რესურსებს ვერ ვუტოლდებით, მაგრამ უკრაინელებს შეუძლიათ რუსეთის დამარცხება გამბედაობით, მონდომებით და იდეებით
გარემოს ეროვნული სააგენტო - ატმოსფერულ ჰაერში ფიქსირდება მყარი ნაწილაკების შემცველობის მატება

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics