ფისკალური პოლიტიკისა და მართვის ძირითად პრინციპებისა და ქვეყნის ფისკალური პოლიტიკის ევროკავშირის პრაქტიკასთან თავსებადობის გასაცნობად ფინანსთა სამინისტრო ადგილობრივი თვითმმართველობის, დონორი ორგანიზაციებისა და სამოქალაქო სექტორის წარმომადგენლებისთვის საჯარო შეხვედრებს მართავს. ამის შესახებ "ექსპრენიუსს" უწყებიდან აცნობეს.

მათი ინფორმაციით, 16 იანვარს გამართულ შეხვედრას, რომელიც ფინანსთა სამინისტროში გაიმართა,  თბილისის მერიის, საკრებულოს და გამგეობების წარმომადგენლები, ქალაქ მცხეთის, აგრეთვე მცხეთის, დუშეთის, თიანეთის, ყაზბეგის, ქალაქ გორის, გორის და კასპის მუნიციპალიტეტების წარმომადგენლები, ასევე დონორი ორგანიზაციები და დაინტერესებული არასამთავრობო სექტორის წარმომადგენლები დაესწრნენ.

შეხვედრაზე ფინანსთა მინისტრის მოადგილე გიორგი კაკაურიძემ ისაუბრა ფისკალური პოლიტიკისა და მართვის ძირითად პრინციპებსა და მის მნიშვნელობაზე, აგრეთვე მუნიციპალიტეტების და სამოქალაქო საზოგადოების როლზე ქვეყნის ფისკალური პოლიტიკის წარმართვის პროცესში, ამ მიმართულებით საზოგადოების ცნობიერების ამაღლების და მოქალაქეთა ჩართულობის გაზრდის მნიშვნელობაზე. 
გიორგი კაკაურიძის განცხადებით, საჯარო ფინანსების მართვის რეფორმის განხორციელების მიუხედავად, მნიშვნელოვან გამოწვევად კვლავ რჩება ბიუჯეტის გამჭვირვალობა და აღნიშნულ პროცესში საზოგადოების ჩართულობა, რაც, თავის მხრივ, მჭიდრო კავშირშია ფისკალურ პოლიტიკასა და მართვის საკითხებზე საზოგადოების ცნობიერების ამაღლებასთან.  

„ფისკალური პოლიტიკისა და მართვის საკითხებზე დღემდე მსგავსი ტიპის შეხვედრა არ ჩატარებულა, ეს პირველი საჯარო შეხვედრაა მუნიციპალიტეტებისა და სამოქალაქო სექტორის მონაწილეობით. მნიშვნელოვანია ფისკალური პოლიტიკის თემებზე ცნობიერების ამაღლება და ფისკალური პოლიტიკის ძირითადი პრინციპები გათვალისწინება, როგორც სახელმწიფო, ისე ადგილობრივ დონეზე ბიუჯეტის დაგეგმვის პროცესში,“ - განაცხადა გიორგი კაკაურიძემ და აღნიშნა, რომ მსგავსი შეხვედრები მომავალშიც ჩატარდება და თანამშრომლობა ადგილობრივი თვითმმართველობის ორგანოებთან გაგრძელდება. 
ფინანსთა სამინისტროს საბიუჯეტო დეპარტამენტის უფროსმა ეკატერინე გუნცაძემ ევროკავშირის ქვეყნების ფისკალური პოლიტიკისა და მართვის ძირითად პრინციპებზე, აგრეთვე საქართველოს ფისკალური პოლიტიკის ევროკავშირის პრაქტიკასთან თავსებადობაზე ისაუბრა. მან ყურადღება გაამახვილა ისეთ მნიშვნელოვან მიმართულებებზე, როგორიცაა ძირითადი ფისკალური წესები, დამოუკიდებელი ფისკალური ინსტიტუტები, საშუალოვადიანი დაგეგმვა და სხვ. მან ასევე განიხილა 2017 წლიდან საქართველოს კანონმდებლობით ამოქმედებული რეგულაციები და მისი მნიშვნელობა.

ფისკალური პოლიტიკისა და მართვის ძირითადი პრინციპებისა და ქვეყნის ფისკალური პოლიტიკის ევროკავშირის პრაქტიკასთან თავსებადობის გასაცნობად შემდგომი შეხვედრები დაგეგმილია 17 იანვარს, ქ. ბათუმში 14:00 საათზე (სასტუმრო რედისონი), 18 იანვარს, ქ. ქუთაისში - 13:00 საათზე (საკრებულოს დარბაზი), 21 იანვარს ბორჯომში - 13:00 საათზე (სასტუმრო „Crown Plaza“) და 24 იანვარს რუსთავში (მერიის დარბაზი). ყველა შეხვედრა მუნიციპალიტეტების და ამ სფეროთი დაინტერესებული სამოქალაქო სექტორის წარმომადგენლებისთვის ღია იქნება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება

სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება

სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა

კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა