სირიაში იდლიბის პროვინციაში სკოლაზე ავიადარტყმის შედეგად 22 ბავშვი და 6 მასწავლებელი გარდაიცვალა, - ამის შესახებ ინფორმაციას BBC, Unicef-ზე დაყრდნობით იუწყება.

ადგილობრივი ხელისუფლების ინფორმაციით, ავიადარტყმები ტერორისტების ლიკვიდირებას ემსახურებოდა.

"ეს ტრაგედიაა. ეს ძალადობაა. თუ ეს მიზანმიმართულად განხორციელდა, ეს სამხედრო დანაშაულია", - ნათქვამია იუნისეფის აღმასრულებელი დირექტორის ენტონი ლეიკის განცხადებაში, რომელიც ორგანიზაციის ოფიციალურ ვებგვერდზე გამოქვეყნდა.

ლეიკის თქმით, ეს ავიაიერიში შესაძლოა, სირიაში კონფლიქტის განმავლონაში სკოლაზე ყველაზე სისხლიანი თავდასხმა გახდეს.

იდლიბის სოფელ ჰაასზე განხორციელებული ავიადარტყმის შესახებ თავდაპირველად სირიის სამოქალაქო თავდაცის აქტივისტებმა განაცხადეს. მათი თქმით, ავიადარტყმას 22 ადამიანი ემსხვერპლა, სულ მცირე 50 კი მძიმედ დაშავდა.

ამასთან, სირიის სახელმწიფო მედიამ რამდენიმე "ტერორისტის" მოკვლის შესახებ განაცხადა.

რუსეთში გაერო-ს მუდმივმა წარმომადგენელმა ვიტალი ჩურკინმა იდლიბში სკოლაზე განხორციელებულ დარტყმას საშინელი უწოდა.

"ვიმედოვნებ, რომ ჩვენ აქ არაფერ შუაში ვართ. მე მარტივად ვიტყოდი "არას", თუმცა მე პასუხისმგებლიანი ადამიანი ვარ. უნდა გავიგო, რა განცხადებას გააკეთებს ჩვენი ქვეყნის თავდაცვის მინისტრი", - განაცხადა ჩურკინმა. 

გაერო-ს ინფორმაციით, სირიისა და რუსეთის სამხედრო ძალების გამო მშვიდობიანი მოსახლეობა იღუპება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სოლომონ პავლიაშვილმა პლასტიკის პრევენციასთან დაკავშირებულ მინისტერიალში მიიღო მონაწილეობა

„გასაძლიერებელია ძალისხმევა ტრადიციებისა და ეროვნული იდენტობის დასაცავად“ - კობახიძე უნგრეთში, კონფერენციაზე სიტყვით გამოვიდა

„ჩვენი ჯარის“ ფარგლებში, სამხედრო მოსამსახურეები სამცხე-ჯავახეთის სახელმწიფო უნივერსიტეტის სტუდენტებს შეხვდნენ

„ხალხის ძალა“ - ჩვენ შეგვიძლია, ევროპას აგენტოკრატიისგან თავის დაღწევაში დავეხმაროთ