ექსპერტი პოლიტიკის საკითხებში გია ხუხაშვილი „ექსპრესნიუსთან“ საუბრისას „ნაციონალური მოძრაობის“ პარტიული საარჩევნო სიის პირველ ოცეულს აფასებს და აცხადებს, რომ არჩევნების წინ საპარლამენტო უმცირესობის რეიტინგი არც მოიმატებს და არც დაიკლებს.

ხუხაშვილის აზრით, „ნაციონალების“ შანსი „ოცნების“ რეიტინგის დაგდებაა და არა საკუთარი ელექტორატის მომატება.

„„ნაციონალური მოძრაობის“ მიერ წარდგენილ პარტიული საარჩევნო სიის პირველ ოცეულში არაფერი ახალი არ არის. „ნაციონალებს“ საკუთარი ელექტორატი ყავთ, რომელიც არჩევნებამდე არც შემცირდება და არც გაიზრდება. აქედან გამომდინარე, დიდი მნიშვნელობა არ ქონდა თუ როგორ დაკომპლექტდებოდა პარტიის პირველი ოცეული. სიის სათავეში მყოფ ადამიანებს ბრძოლისუნარიანობას ნამდვილად ვერ წავართმევთ, მათ შეუძლიათ კონკურენტუნარიანები იყვნენ, მაგრამ არ მგონია, რომ „ნაციონალების“ მთავარი ამოცანა არჩევნებში გამარჯვებაა. მათი მიზანი „ოცნების“ დამარცხებაა და ამისთვის ყველა რესურსს გამოიყენებენ.  „ნაციონალების“ შანსები დამოკიდებულია იმაზე თუ რამდენად დასუსტდება „ქართული ოცნება“ არჩევნებამდე. საპარლამენტო უმცირესობას ზრდის პოტენციალი არ აქვს, მაგრამ უმრავლესობის რეიტინგის დაცემის შანსი არსებობს“, - აცხადებს ხუხაშვილი.

ექსპერტი სანდრა რულოვსის გამონათქვამსაც შეეხო და აღნიშნა, რომ მორალური თვალსაზრისით, კარგი იქნებოდა თუ „ნაციონალური მოძრაობა“ ერთ საარჩევნო ციკლს გამოტოვებდა.

„რაც შეეხება სანდრა რულოვსის განცხადებებს - ჩვენ თუ ძალადობაზე ვსაუბრობთ, ეს ძალადობა ნამდვილად იყო და წლების განმავლობაში რეჟიმი მძვინვარებდა. უკეთესი იქნებოდა თუ ეს პარტია მინიმუმ ერთ საარჩევნო ციკლს გამოტოვებდა. თუმცა, ეს მხოლოდ ჩემი სურვილია და პოლიტიკას სხვა წესები გააჩნია. მხოლოდ რიტორიკული საუბარი, რომ ძალადობა აღარ იქნება, ეს საკმარისი არაა. აქ მხოლოდ მორალურ და პოლიტიკურ პასუხისმგებლობაზე არაა საუბარი. არის ვერდიქტი და ის უნდა აღსრულდეს“, - განაცხადა ხუხაშვილმა.

შეგახსენებთ, რომ „ერთიანმა ნაციონალურმა მოძრაობამ“ მომავალი საპარლამენტო არჩევნებისთვის პარტიული საარჩევნო სიის პირველი ოცეული წარადგინა. ოცეულის წარდგენა პარტიის პოლიტსაბჭოს სხდომაზე მოხდა.
 

საპარლამენტო უმცირესობის ოცეული შემდეგნაირად გამოიყურება: 1. დავით ბაქრაძე; 2. სანდრა რულოვსი; 3. ელენე ხოშტარია; 4. რომან გოცირიძე; 5. ნიკა მელია; 6. გიორგი ტუღუში; 7. ოთო კახიძე; 8. სალომე სამადაშვილი; 9. ირაკლი აბესაძე; 10. სერგი კაპანაძე; 11. სერგო რატიანი; 12. გიორგი კანდელაკი; 13. ლელა ქებურია; 14. აკაკი ბობოხიძე; 15. გიგა ბოკერია; 16. თენგიზ გუნავა; 17. ირმა ნადირაშვილი; 18. მამუკა ჩიქოვანი; 19. თინათინ ბოკუჩავა; 20. გიორგი თევდორაძე.

სანდრა რულოვსმა კი ზუგდიდში მაჟორიტარ დეპუტატობის კანდიდატად წარდგენის შემდეგ განაცხადა, რომ „მე მიშას ბევრჯერ ვესაუბრე, თვალებში რომ ჩაგხედავ, მინდა ვიცოდე, რაც მოხდა ცუდი, აღარ განმეორდება“. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რიჟვაძე - ძალიან მნიშვნელოვანია, რომ ჩვენს ქვეყანაში მოქმედი ყველა იურიდიული პირი წლის ჭრილში ადეკლარირებდეს იმ შემოსავლებს, რომელიც მიღებულია უცხოეთიდან

ირაკლი კობახიძე ევროკავშირის სადამკვირვებლო მისიის ხელმძღვანელს შეხვდა

შუახევის მერი ASTANA STARS-ის მონაწილე გოგონათა ბენდ „117“-ს შეხვდა

ბეჟაშვილი - არავის უჭირავს ევროპის დროშა ისე ამაყად, როგორც ქართველ ახალგაზრდებს თბილისის ქუჩებში