2016-07-26 11:54:41, 1737 ნახვა
მსოფლიო
მიუნხენში მყოფი ქართველი - ხალხი პანიკაშია, 6 საათის შემდეგ ქალაქი ცარიელია
მიუნხენში მყოფი ქართველი სტუდენტი ნინო კიკვაძე ტერაქტის შემდგომ ქალაქში არსებულ ვითარებაზე საუბრობს და აცხადებს, რომ იმ სავაჭრო ცენტრში, სადაც ტერაქტი მოხდა, ხალხი ფაქტიურად, აღარ შედის. როგორც „ექსპრესნიუსთან“ საუბრისას კიკვაძემ აღნიშნა, ქალაქი სამართალდამცველებით სავსეა, თუმცა იმისათვის, რომ ხალხში პანიკა უფრო მეტად არ გაღვივდეს, მათ უმეტესობას სამოქალაქო ფორმა აცვია. „ქალაქი პოლიციით სავსეა. ხალხის პანიკის თავიდან ასაცილებლად, სამართალდამცავების უმეტესობას სამოქალაქო ფორმა აცვია. აეროპორტში კონტროლი ძალიან გამკაცრებულია, მეტროებში უამრავი სამართალდამცავი დგას. პოლიციაც ძალიან დაძაბულია, კონტროლს მთელი დღის განმავლობაში ახორციელებენ საეჭვო ადამიანებს სამართალდამცავები ქუჩაში აჩერებენ და ჩხრეკენ“, - აცხადებს ნინო კიკვაძე. მისივე თქმით, ტერაქტიდან 15 წუთის შემდეგ ცრუ განგაში იყო და პანიკაში მყოფი ხალხი მაღაზიებში შევარდა. „ტერაქტიდან 15 წუთის შემდეგ ცრუ განგაში იყო. დაპანიკებული ხალხი მაღაზიებში შევარდა და იქაურობა დალეწეს. ჩემი მეგობარი ტერაქტის დროს სავაჭრო ცენტრში იმყოფებოდა და წუთით გამოასწრო თავდასხმას. იგი ავტობუსში ავიდა, თავად სავაჭრო ცენტრი 4 სათის განმავლობაში ჩაკეტეს. ავტობუსიც გაჩერებული იყო და შიგნიდან ჩაკეტილი. მასში შესვლას არაბი გარეგნობის ბიჭიც ითხოვდა, მაგრამ გერმანელებმა კარები არ გაუღეს. ბიჭმა ჯიბეები ამოიტრიალა, ხელები მაღლა ასწია, მაგრამ გერმანელებმა ავტობუსის კარები მაინც არ გაუხსნეს, ტერორისტი ეგონათ“, - აცხადებს კიკვაძე. შეგახსენებთ, რომ მიუნხენში, სავაჭრო ცენტრ "ოლიმპიასთან" უცნობმა მამაკაცმა მოსახლეობას ცეცხლი გაუხსნა, რის შედეგადაც 9 ადამიანი გარდაიცვალა, 20-მდე კი დაჭრა, 3 დაშავებული კრიტიკულ მდგომარეობაში იმყოფება. გავრცელებული ინფორმაციით, სავაჭრო ცენტრში ცეცხლი 18 წლის ირანელმა ახალგაზრდამ გახსნა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან ზელენსკი დონეცკის ოლქში ჩავიდა
ირაკლი ღარიბაშვილი 20 აპრილს შიდა ქართლის მხარის პარტიულ აქტივს შეხვდება
ოხანაშვილი „ნაცმოძრაობას“ - თქვენ ხართ ჩვენი გმირი მებრძოლების მოღალატეების პარტია
მიშელი „უცხოური გავლენის გამჭირვალობის შესახებ“ კანონპროექტზე - ჩვენ იმედგაცრუებულები ვართ, რომ მთავრობამ ასეთი გადაწყვეტილება მიიღო
|
ომი უკრაინაშიზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|