2016-05-23 22:13:53, 905 ნახვა
სამართალი
თამარ ხულორდავა სისხლის სამართლის სისტემის რეფორმის უწყებათაშორისი საკოორდინაციო საბჭოს სხდომას დაესწრო
სასჯელაღსრულებისა და პრობაციის მინისტრის პირველი მოადგილე თამარ ხულორდავა სისხლის სამართლის სისტემის რეფორმის უწყებათაშორისი საკოორდინაციო საბჭოს რიგით 22-ე სხდომას დაესწრო. სხდომას საკოორდინაციო საბჭოს წევრები - იუსტიციის მინისტრი თეა წულუკიანი, უზენაესი სასამართლოს თავმჯდომარე ნინო გვენეტაძე, გენერალური პროკურატურის, ასევე, არასამთავრობო, ადგილობრივი და საერთაშორისო დონორი ორგანიზაციების წარმომადგენლები ესწრებოდნენ. შეხვედრაზე სამინისტროების წარმომადგენლებმა საკუთარ უწყებაში გატარებულ რეფორმებზე, მიღწევებზე და სამომავლო გეგმებზე ისაუბრეს. გარდა ამისა, დეტალურად განიხილეს ის საკანონმდებლო ცვლილებები, რომელიც ერთობლივი მუშაობის შედეგად იქნა მიღწეული. საკოორდინაციო საბჭოს წევრებს სასჯელაღსრულებისა და პრობაციის სამინისტროს პენიტენციური დეპარტამენტის ხელმძღვანელმა ზვიად მიხანაშვილმა დეტალური ინფორმაცია მიაწოდა სისტემაში არსებული სიახლეების შესახებ. „სასჯელაღსრულებისა და პრობაციის სამინისტრომ წარმოადგინა ის რეფორმები, რომელიც სისტემაში უკვე განხორციელდა და ასევე, ვისაუბრეთ გეგმებზე, რომელზე დაყრდნობითაც ვაპირებთ მუშაობის გაგრძელებას. აღსანიშნავია, რომ კომისიის თავმჯდომარის და საერთაშორისო ექსპერტების მხრიდან დადებითად შეფასდა მიღწევები“ - განაცხადა ზვიად მიხანაშვილმა. პრობაციის ეროვნული სააგენტოს ხელმძღვანელმა გიორგი არსოშვილმა საკოორდინაციო საბჭოს წევრებს 2016-2020 წლების სისტემის განვითარების სტრატეგია წარუდგინა და განაცხადა რომ სასჯელაღსრულებისა და პრობაციის სამინისტროს ერთ-ერთ პრიორიტეტად პირობით მსჯავრდებულთა რეაბილიტაცია-რესოციალიზაცია რჩება, რაც თავის მხრივ პირობით მსჯავრდებულთა შორის განმეორებითი დანაშაულის პრევენციაზე დადებით ზეგავლენას ახდენს. სისხლის სამართლის სისტემის რეფორმის უწყებათაშორისი საკოორდინაციო საბჭოს წევრები არიან აღმასრულებელი, საკანონმდებლო და სასამართლო ხელისუფლების წარმომადგენლები, ასევე, არასამთავრობო და საერთაშორისო ორგანიზაციების წარმომადგენლები და დამოუკიდებელი ექსპერტები. ავტორი: ირაკლი მანაგაძე , ექსპრესნიუსის რეპორტიორი 2009 წლიდან |
ომი უკრაინაშიზელენსკი - რუსეთის რესურსებს ვერ ვუტოლდებით, მაგრამ უკრაინელებს შეუძლიათ რუსეთის დამარცხება გამბედაობით, მონდომებით და იდეებით
უკრაინის გენშტაბი - საომარი მოქმედებების დაწყებიდან დღემდე, უკრაინაში 440 790-მდე რუსი ჯარისკაცი მოკლეს
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ვიდეო/LIVE საქართველოს დამოუკიდებლობის დღე - პირდაპირი
|