2024-04-30 20:24:38, 335 ნახვა
საზოგადოება
ზაზა სარალიძე - მივიღე გადაწყვეტილება, ვიშიმშილო - მივმართავ მდინარაძეს - შენც ხომ იძახი, რომ ევროპა გინდა - მოდი, ერთად ვიშიმშილოთ [ვიდეო]
2017 წელს, ხორავას ქუჩაზე მოკლული დათუნა სარალიძის მამა ზაზა სარალიძე შიმშილობას იწყებს. ამის შესახებ ზაზა სარალიძემ, რომელიც რუსთაველის გამზირზე "უცხოური გავლენის გამჭვირვალობის შესახებ" კანონპროექტის საწინააღმდეგო აქციას შეუერთდა, "ექსპრესნიუსს" განუცხადა. მისი თქმით, შიმშილობის დაწყების გადაწყვეტილება საქართველოს ევროპული გზის დასაცავად მიიღო. "აქცია გამოსვლის გადაწყვეტილება მივიღე მას შემდეგ, რასაც ვხედავ - ქვეყანაში განვითარებულ მოვლენებს - რომ პირდაპირ აანონსებს ჩვენი ხელისუფლება რეპრესიებს, პირდაპირ აანონსებს, რომ ყველას კარებზე მოგვიკაკუნებენ. ასევე, ეწევიან ჩვენი მომავალი თაობის დისკრედიტაციას, მათში შუღლის გაღვივებას; უნდათ, რომ ეს მოსიყვარული, მრავალფეროვანი ახალგაზრდობა დააპირისპირონ ერთმანეთს, რაც ჩვენს თაობაში უკვე გააკეთეს. იმედია, ჩვენი თაობაც გამოფხიზლდება, მოვა გონს, შვილებს დაუდგება გვერდით, რომ შეაჩეროს ყველანაირი მარაზმი. დღეს არ არის მხოლოდ არა რუსულ კანონს, არა - გუშინ მე რაც მოვისმინე აქციაზე, პირდაპირ დააანონსა ბიძინა ივანიშვილმა, რომ ყველას მოგვიკაკუნებს კარებზე, ვინც კი განსხვავებულ აზრს დააფიქსირებს. ეს არის თავისუფალი სიტყვის მკვლელობის დღე. მე მივიღე უკიდურესი გადაწყვეტილება, რომ ვიშიმშილო ამ მთავრობის წინააღმდეგ. პირადად მამუკა მდინარაძეს მივმართავ, რომელმაც დამცინავად გააკეთა კომენტარი პარლამენტიდან - "მე რომ ხალხთან ჩავიდე და იდეას შევწირო თავი, თქვენ რა, ხალხო მერე?!" - მოდი, მამუკა, მე ვარ ზაზა სარალიძე, მე ჩემი შვილისთვის, ჩემი შვილის მომავლისთვის, მისი თანატოლების მომავლის დასაცავად, მათი ევროპული გზის დასაცავად ვიწყებ შიმშილობას - მოდი, ჩემთან ერთად - გავიზიაროთ ეს იდეა, შენც ხომ იძახი, რომ ევროპა გინდა - მოდი, ერთად ვიშიმშილოთ",- განაცხადა სარალიძემ "ექსპრესნიუსთან" საუბრისას. ავტორი: ექსპრესნიუსი, ზელენსკი - რუსეთის პრეზიდენტთან დიალოგი შეუძლებელია, რადგან ის დამოუკიდებელი ფიგურა არ არის
ფიშერი - თუ კანონი მიიღება, დეკემბერში გერმანია საქართველოსთან მოლაპარაკებების დაწყებას ხმას არ მისცემს
კარპენტერი - კანონის მიღების შემთხვევაში, სათანადო შედეგები აუცილებლად დადგება
ევროპულმა საბჭომ რუსეთის გაყინული აქტივებიდან მიღებული შემოსავლების უკრაინისთვის გადაცემას მხარი დაუჭირა
|
ომი უკრაინაშიზელენსკი - რუსეთის პრეზიდენტთან დიალოგი შეუძლებელია, რადგან ის დამოუკიდებელი ფიგურა არ არის
ანალენა ბერბოკი უკრაინაში ჩავიდა [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 495 070-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
|